შეხვედრაზე მხარეებმა გზების რეაბილიტაციის თანამედროვე მოდელები განიხილეს
ძებნა
შეხვედრაზე მხარეებმა გზების რეაბილიტაციის თანამედროვე მოდელები განიხილეს
21 აპრილი 2017ამერიკის შეერთებულ შტატებში სამუშაო ვიზიტის ფარგლებში, პირველი ვიცე-პრემიერი, ფინანსთა მინისტრი, დიმიტრი ქუმსიშვილი და რეგიონული განვითარებისა და ინფრასტრუქტურის მინისტრი, ზურაბ ალავიძე მსოფლიო ბანკის ჯგუფის გლობალური ინფრასტრუქტურული პროექტების განმახორციელებელი ჯგუფის (GIF) წარმომადგენლებს შეხვდნენ.
შეხვედრაზე მხარეებმა განიხილეს აღმოსავლეთ-დასავლეთის მშენებარე საგზაო მაგისტრალის ინფრასტრუქტურის შენახვა-რეაბილიტაციის თანამედროვე მოდელები.
„ჩვენ განვიხილეთ საუკეთესო საერთაშორისო გამოცდილება, რათა უკვე აშენებულ გზებს კარგად მოვუაროთ და ჩვენმა მოსახლეობამ გამართული საგზაო ინფრასტრუქტურა მიიღოს,“ - განაცხადა რეგიონული განვითარებისა და ინფრასტრუქტურის მინისტრმა, ზურაბ ალავიძემ.
აღნიშნული ორგანიზაცია, მსოფლიო ბანკის თანამშრომლობით, საქართველოში ახორციელებს პროექტს, რომელიც ითვალისწინებს აღმოსავლეთ-დასავლეთის მშენებარე საგზაო მაგისტრალის შესაძლებლობების შესწავლას.
